Жартылай финалда Нұрқожа Иран елінің спортшысымен кездескен еді.
Еркін күрестен Қазақстан құрамасының өкілі Нұрқожа Қайпанов Эр-Риядта (Сауд Арабиясы) өтіп жатқан Ислам ынтымақтастығы ойындарының финалына шыға алмады.
74 келі салмақ дәрежесіндегі жартылай финалда Нұрқожа ирандық Юнес Эмамичогаеиге есе жіберді. Белдесу 6:5 есебімен қарсыластың пайдасына аяқталды.
Осылайша, Қайпанов қола медаль үшін күресетін болады. Қарсыласы – қырғызстандық Орозобек Токтомамбетов.
Айта кетейік, 2022 жылы өткен Ислам ынтымақтастығы ойындарында Нұрқожа турнирді 5-орынмен аяқтаған болатын.