Естеріңізге салсақ, Бекзат Алмахан Илия Топурияның ағасымен октагонда кездескен болатын.
Орта салмақтағы UFC чемпионы (70 кг дейін) Илия Топурия Дохада (Катар) өткен UFC Fight Night 264 турнирінде қазақстандық Бекзат Алмаханмен жекпе-жек өткізіп, жеңіске жеткен туған бауыры Александр Топурияның нәтижесіне қатысты пікір білдірді.
«Құдайға шүкір, тағы бір жеңіске жеттік. Сенімен мақтанамын, бауырым. Барлық еңбегіңнің ақталғанына қуаныштымын», — деп жазды Топурия әлеуметтік желілерде.
Бекзат Алмахан мен Александр Топурия арасындағы жекпе-жек үш раундқа созылып, грузин спортшысы төрешілердің бірауыздан шыққан шешімімен жеңіске жетті.
Александр Топурия 29 жаста. Грузиялық файтер 2015 жылы кәсіби деңгейде дебют жасаған, ал 2025 жылдан бері UFC-де өнер көрсетіп келеді. Әлемдегі ең беделді ұйымдағы оның еншісінде екі жеңіс бар.