Қазақстандық кәсіби боксшы, IBO нұсқасы бойынша әлем чемпионы Ангелина Лукас өтпей қалған жеңілістен кейін небәрі екі аптада рингке қайта оралмақ.
TJ Boxing Promotion мәліметінше, Лукас 3 желтоқсанда Дубайда рингке шығады. Қарсыласының аты-жөні әзірге жарияланған жоқ.
BoxRec базасындағы дерекке сәйкес, Қазақстан чемпионы кезекті рет 10 раундтық жекпе-жекке дайындалып жатыр.
Лукас өзінің соңғы айқасын 14 қарашада Каирде (Мысыр) өткізіп, америкалық Кэтрин Рене Линденмутқа төрешілер шешімімен ұтылған еді. Алайда біраз уақыттан кейін жағдай мүлдем басқаша өрбіді.
Америкалық боксшы допинг-тесттен өтуден бас тартқандықтан EPBA тергеуінен соң жекпе-жек нәтижесі «No Contest» деп өзгертілді. BoxRec те бұл түзетуді енгізді.
Осылайша Ангелинаның ресми статистикасында жалғыз жеңіліс — 2023 жылы Даниэле Асенходан алған жеңіліс сақталып қалды. Ол бұл нәтиженің де қарымта жекпе-жегінде Таразда реваншпен қайтарған болатын.
28 жастағы Лукас 2021 жылдан бері кәсіби бокста бақ сынап келеді. Осы уақыт ішінде:
Қазіргі титулдары:
TJ Boxing promotion бұл жолғы айқастың титулдық жекпе-жек болатынын немесе болмайтынын әлі нақтылаған жоқ.