Қазақстандық файтер Иэн Гэрри чемпиондыққа лайықты емес екенін алға тартты.
UFC жартылай орта салмағы рейтингінің үшінші нөмірі Шавкат Рахмонов бұрынғы қарсыласы, ирландиялық Иэн Гэрридің дивизион чемпионына басты үміткер мәртебесіне қатысты пікіріне келіспейтінін айтты.
22 қарашада Гэрри бұрынғы чемпион, америкалық Белал Мұхаммадты төрешілердің бірауыздан шешімімен жеңді. Осыдан кейін ол қазіргі чемпион — ресейлік Ислам Махачевке қарсы жекпе-жекке шақыру тастады. Алайда «Номад» Иэннің чемпиондық сайысқа лайық екеніне күмән келтіреді.
«Трэш-ток емес, тек фактілер: Иэн Гэрри жарақаты болған кезімде маған жеңілді. Ол соңғы алты жекпе-жегінде ешкімді финишпен жеңбеді, ал Пратес болса, оны мерзімінен ерте құлата жаздады. Менің ойымша, бұл №1 үміткерге ұқсамайды», — деп жазды Шавкат Х әлеуметтік желісінде.
Еске сала кетейік, Рахмонов октагонға соңғы рет 2024 жылдың желтоқсанында шығып, Иэн Гэрриді төрешілердің шешімімен жеңген еді.
Қазіргі таңда қазақстандық файтер жартылай орта салмақ рейтингінде төртінші орында және оның кәсіби рекорды — 19 жекпе-жек, 19 жеңіс.