Қазақстандық жеңіл салмақтағы боксшы Ангелина Лукас (15–1, 8 КО) Дубайдағы жекпе-жек алдында өткен көз арбасу кезінде танзаниялық Эджин Каянгемен (12–8, 8 КО) итерісіп, тек ұйымдастырушылардың араласуымен ғана ажыратылды.
Рингке дейінгі бұл рәсім аса эмоциялық өрбіді. Қос боксшы бір-бірімен иықпен қағысып, кейін итерісіп қалды. Жағдай ушығып бара жатқан соң промоутерлер мен команда мүшелері араға түсіп, спортшыларды екі жаққа тарқатты.
Ангелина Лукас кәсіби рингте:
Оның қарсыласы Танзания өкілі Эджин Каянге:
Осы статистикаға қарағанда Дубайдағы айқас екі нокаутшының текетіресі болмақ, бұл кездесудің көрермендер үшін тартысты әрі қауіпті сәттерге толы өтуіне негіз бар.
Лукас соңғы рет рингке 14 қарашада шыққан. Ол кезде қазақстандық боксшы америкалық Кэтрин Рене Линденмутпен (7–5, 3 КО) қолғап түйістірген.
Алайда кейін қарсыласының допинг-тестінен тыйым салынған заттар анықталып, жекпе-жек нәтижесі жойылған (no contest) деп танылды. Осы жағдайдан соң, Дубайдағы айқас Ангелина үшін беделін қайта дәлелдейтін маңызды мүмкіндіктердің біріне айналып отыр.