Тәжікстандық кәсіпқой боксшы Авзалбек Қуранбаев (11-1-1, 8 KO) алдағы титулдық жекпе-жек алдында мәлімдеме жасап, қазақстандық қарсыласы Армат Арманұлымен (5-1, 4 KO) болатын кездесуге барынша дайын екенін айтты.
20 желтоқсанда Алматыда Арманұлы мен Қуранбаев орта салмақтағы (middleweight) бос тұрған WBA Asia чемпионы атағы үшін жұдырықтасады.
Қуранбаев дайындық кезеңін жоғары деңгейде өткізгенін айтып, Алматыға жеңіс үшін келетініне ерекше тоқталды. Сондай-ақ ол бұл атақты бұрын өзге салмақта иеленгенін еске салды.
«Құрметім бар, бірақ мен жеңу үшін барамын — қайта чемпион болғым келеді», – деді ол.
20 желтоқсандағы бокс кешінің негізгі оқиғасында қазақстандық Ельшат Нығметолла (21-0-2, 8 KO) өзіне тиесілі WBA Asia белбеуін филиппиндік Алвин Камикеге (11-4, 6 KO) қарсы қорғайды.