Ташкентте өткен Octagon 83 ММА турнирінде қазақстандық жас спортшы Ерасыл Сапар маңызды жеңіске жетті.
Жеңіл салмақта өнер көрсеткен 21 жастағы файтер үш раундқа созылған жекпе-жекте жергілікті жанкүйерлердің үміті саналған Мадрахим Джабборовты тізе бүктірді.
Үш раунд толық өтіп, Ерасыл Сапар төрешілердің бірауыздан шығарған шешімімен жеңіске жетті.
Осы нәтижеден кейін Сапар өзінің кәсіби рекордын 3-1 көрсеткішіне дейін жақсартты. Ал Джабборов кәсіби мансабындағы алғашқы жеңілісін тіркеді.
Кештің басты оқиғасы жартылай орта салмақта өтеді: өзбекстандық Шохасан Мирзаматов (15-4) француз файтері Леви Карриелмен (6-4) күш сынасады.