UFC-дің жартылай орта салмақтағы америкалық файтері Хоакин Бакли дивизионның бұрынғы чемпионы, отандасы Белал Мухаммадпен жекпе-жек өткізуге дайын екенін мәлімдеді. Бакли бұл кездесуді UFC 326 турнирінде ұйымдастыруды ұсынады. Аталған кеш 8 наурызда АҚШ-тың Лас-Вегас қаласында өтуі тиіс.
Бакли әлеуметтік желідегі мәлімдемесінде қарсылас ретінде Белалды қалайтынын ашық айтты. Оның сөзінше, жекпе-жектің нақты күні де дайын.
Баклидің ойынша, бұл айқас екі спортшыға да мақсаттарына жақындауға мүмкіндік береді: жеңіске жеткені рейтингте де, титулдық мүмкіндікке қарай да маңызды қадам жасамақ.
Хоакин Бакли соңғы рет маусым айында UFC on ESPN 69 турнирінде октагонға шықты. Ол бұл кездесуде нигериялық экс-чемпион Камару Усманға төрешілердің бір ауыздан шығарған шешімімен жол берді.
Ал Белал Мухаммад қарашадағы UFC Fight Night 265 кешінде ирландиялық Иэн Гэрриден төрешілер шешімімен жеңіліп қалды.