Головкиннің бапкері Төрехан Сабырханды бір сынап көрді (ВИДЕО)

Қазақстан құрамасының көшбасшыларының бірі, World Boxing ұйымдастырған әлем чемпионатында топ жарған Төрехан Сабырхан жаттығу барысынан ерекше видео жариялады. Бейнежазбадан боксшы физикалық дайындық бойынша америкалық танымал маман Кристофер Камачоның жетекшілігімен жұмыс істеп жатқаны көрінеді. 

Төрехан аэробайк жабдығында жоғары қарқынды жаттығу орындау үстінде. Ол спортшының төзімділігін, жүрек-қантамыр жүйесінің дайындығы мен жалпы функционалдық деңгейін бағалауға мүмкіндік береді.

Камачо – әлемдік жұлдыздарды жаттықтырған маман

Ағайынды Кристофер және Дарио Камачола әлемдік деңгейдегі спортшылармен жұмыс істеген мамандар ретінде танымал. Олар 

• Геннадий Головкин;
• UFC Даңқ залының мүшесі Хабиб Нурмагомедов;
• UFC экс-чемпионы Даниэль Кормье;
• UFC бұрынғы чемпионы Кейн Веласкесті баптаған.

Төрехан Сабырхан да Қазақстан спортының басты жұлдыздарының бірі. Боксшы жас болса да, бағындырған белестері аз емес: 

• 2025 жылы Ливерпульде өткен алғашқы World Boxing әлем чемпионатының жеңімпазы;
• 2024 жылы Будвада (Черногория) жастар арасындағы әлем чемпионы;
• Жастар арасында Азияның тарихтағы алғашқы төрт дүркін чемпионы.