Елдос Сметов Азия ойындарына қатысады: Құрамада тағы кім бар?
Турнир 19 қыркүйек пен 4 қазан аралығына жоспарланған.
Дзюдоан Қазақстан құрамасының 2026 жылғы Азия ойындарына қатысатын құрамы белгілі болды. Инсайдерлік ақпаратқа сәйкес, ірі турнирге Олимпиада чемпионы Елдос Сметов те барады.
2026 жылғы дзюдошылар үшін маңызды жарыстардың бірі — Азия ойындары Жапонияда өтеді. Турнир 19 қыркүйек пен 4 қазан аралығына жоспарланған.
Құрамды бас бапкер анықтағаны айтылды
Белгілі judoworld7 паблигінің мәліметінше, Қазақстан құрамасының бас бапкері Роберт Мшвидобадзе Азия ойындарына қатысатын спортшылар тізімін анықтап қойған.
Әзірге бұл ақпарат ресми түрде жарияланған жоқ. Дегенмен дереккөз Қазақстан атынан кімдер татамиге шығатынын атады.
Тізімдегі басты есімдердің бірі — Елдос Сметов. Қазақстан дзюдосының аңызы 60 келіге дейінгі салмақ дәрежесінде ел намысын қорғайды деп күтіледі.
Айта кетейік, Сметов бір ай бұрын Қытайдың Циндао қаласында өткен Grand Prix турнирінде ұзақ үзілістен кейін татамиге қайта оралып, бесінші орын алған еді.
Қазақстан құрамасының құрамы
Инсайдерлік ақпарат бойынша, Азия ойындарында Қазақстан ерлер құрамасы мына спортшылармен өнер көрсетуі мүмкін:
- 60 келі: Елдос Сметов
- 66 келі: Ғұсман Қырғызбаев
- 73 келі: Бақытжан Әбдірахманов
- 81 келі: Әділет Алмат
- 90 келі: Айдар Арапов
- 100 келі: Марат Байқамұров
- +100 келі: Ерасыл Қажыбаев