Шавкат Рахмонов жаттығуларын бокстан әлем чемпионының бапкерімен бастады (ВИДЕО)
07.01.2025, 07:17
UFC жұлдызы қазақстандық Шавкат Рахмонов (19-0) бокстан әлем чемпионы Жәнібек Әлімханұлының бірінші бапкері Марат Сиқымбаевпен соққы жасау техникасын шыңдады.
golos-naroda.kz
Ирландиялық Иэн Гэрриді (16-1) жеңген Рахмоновтың ендігі мақсаты – жартылай орта салмақ дәрежесінде Белал Мухаммадпен (24-3) титулды жекпе-жек өткізу. Белбеу үшін төбелес желтоқсанда өтуі тиіс еді. Бірақ америкалықтың денсаулығына байланысты болған жоқ.
Жақында америкалық файтердің менеджері чемпиондықты қорғау мерзімі 2025 жылдың мамыр айына белгіленді деп сендірді. Мұнымен қатар қазақстандықтың қарсыласы Хабиб Нурмагомедовтың командасымен жаттығып жүр деген ақпарат тарады.
Осындай фактілерге сүйене отырып жекпе-жек көктемнің соңында өтеді деуге толық негіз бар.