Сәкен Бибосынов ұлттық құрама қатарынан шығып қалды
21.01.2025, 12:04
Бокстан Олимпиада ойындарының қола жүлдегері және әлем чемпионы ұлттық құрама сапынан тыс қалды.
offside.kz
Бокстан Қазақстан құрамасының бас бапкері Қайрат Сәтжанов Pluste Bol бағдарламасында бірқатар сұраққа жауап берді.
“Біз Испанияға оқу-жаттығу жиынына аттанғалы жатырмыз. Ол жерде ұлттық құраманың үшінші-төртінші нөмірлі боксшылардың дайындығын бағамдаймыз. Одан ары Болгариядағы Страндж Кубогына қатысып, тағы бір жиын өткізуді жоспарлап отырмыз. Болгариядан кейін Ресейдегі қосымша жиынды пысықтап, ұлттық құраманы жасақтаймыз.
Ал Сәкен Бибосынов туралы айтатын болсам, ол Азия чемпионаты алдында арқасын жарақаттап алды. Сондықтан мен айтып өткен оқу-жаттығу жиындардың бәріне бармайды”, – деді Қайрат Сәтжанов.