Қазақстандық боксшылар жекпе-жексіз байрақты турнирде жүлдеге ілікті
04.02.2025, 09:59
Кейбір қазақстандық боксшылар Лу-Нусияда (Испания) халықаралық Boxam Elite-2025 турнирі басталмай жатып медальге ие болды.
Vesti.kz
Ерлер арасында Ерхан Тұрдан (57 кг) және Даниал Сапарбай (92+ кг), ал әйелдерден Диана Мағауяева (75 кг) жарысты жартылай финалдың кезеңнен бастайды. Сонымен қатар 54 келідегі ширек финалда қос қазақстандық боксшы Ақтілек Орынбасар мен Жандаулет Сәрсенбаев бір-біріне қарсылас атанады. Осылайша екеуінің біреуі жартылай финалға шығып, кем дегенде қола медаль алады. Ал Бақыт Сейдіш (70 кг) бірден финалда жұдырықтасып, ең болмағанда "күміске" қол созады деген сөз.