Асу Алмабаевтың UFC-дегі жекпе-жегі мерзімінен бұрын аяқталды (ВИДЕО)
Қазақстандық файтер техникалық нокаутпен қарсыласқа есе жіберді.
АҚШ-та өткен UFC Fight Night 253 турнирінде қазақстандық файтер Асу Алмабаев пен португалиялық Манел Капе арасындағы жекпе-жек өтті.
Жекпе-жек қалай өтті?
Үшінші раундта Асу Алмабаев қарсыласының ауыр соққыларына төтеп бере алмай, рефери жекпе-жекті тоқтатты. Осылайша, Алмабаев техникалық нокаутпен жеңіліп қалды.
Капенің жеңісі және статистика
Осы айқастың арқасында Манел Капе 21-ші рет жеңіске жетті. Оның еншісінде 7 жеңіліс бар. Ал Асу Алмабаев өзінің 21-ші жеңісіне жете алмай, үшінші рет жеңілді.
Рейтингтегі жағдайы
Жекпе-жекке дейін Капе UFC-дің аса жеңіл салмақтағы рейтингінде алтыншы орында, ал Алмабаев үздік сегіздікті түйіндеп тұрған еді. Аталған дивизионның қазіргі чемпионы — бразилиялық Алешандри Пантожа (29-5).
Еске сала кетейік, 2021 жылдың желтоқсанында дәл осы Манел Капе қазақстандық Жалғас Жұмағұловты бірінші раундта нокаутпен жеңген еді. Қазіргі таңда Жұмағұлов UFC-де өнер көрсетпейді.