Бивол – Бенавидес жекпе-жегі туралы жаңа мәліметтер шықты
Matchroom Boxing және PBC промоутерлік компаниялары жартылай ауыр салмақтағы абсолютті әлем чемпионы Дмитрий Бивол мен америкалық боксшы Дэвид Бенавидес арасындағы жекпе-жекті ұйымдастыру бойынша келіссөздердің соңғы сатысына жақындағанын хабарлайды.
Атақты журналист әрі инсайдер Джулиус Джулианис бұл жекпе-жек жақын арада ресми түрде жариялануы мүмкін екенін айтты.
"PBC және Matchroom бұл жазда Бивол мен Бенавидес жекпе-жегін өткізу туралы келісімге өте жақын", – деп жазды Джулианис X (бұрынғы Twitter) әлеуметтік желісінде.
Айта кетейік, WBC ұйымы жақында Биволды Бенавидеске қарсы міндетті белбеу қорғау жекпе-жегін өткізуге міндеттеді. Бірақ бокс әлемінде ықпалды тұлғалардың бірі саналатын Турки Аль аш-Шейх бұл кездесуге қызығушылық танытпайтынын мәлімдеді. Оның басты мақсаты – Бивол мен Бетербиев арасындағы үшінші жекпе-жекті ұйымдастыру.