Александр Емельяненко операция алдында кезекті видеоүндеу жасады
Ресейлік аралас жекпе-жек шебері 10 наурызда омыртқасына операция жасататынын хабарлады.
43 жастағы спортшы 5 наурыз күні өзінің жағдайы туралы мәлімдеме жасап, омыртқааралық дискілерінің ажырап, жарықтың жұлынға қысым жасағанын айтты. Осы жарақат салдарынан оның аяқтары істемей қалған.
Дәрігерлер оған шұғыл операция қажет екенін жеткізді. Отадан кейінгі оңалту процесі 10 айға созылады.
Александр Емельяненко операция қарсаңында видеоүндеу жариялап, алдағы ем-шара туралы мәлімет берді:
"Операцияны ертең, 10 наурызда жасайды. Әдеттегідей арқа жағынан емес керісінше, мойын тұсынан кесіп, бұлшықеттерді ығыстырып, жарықты алып тастап, жұлынды босатады. Мен жылдам қалпына келемін, жақын арада рингке қайта оралып, сіздерді жеңістеріммен қуантуға дайын боламын!" – деді файтер өз әлеуметтік желісінде.