Жеңіліп көрмеген қазақстандық боксшының қашан айқасатыны белгілі болды
Отандасымыз британдық Goat Boxing менеджерлік компаниясымен келісімге отырды.
Британдық Goat Boxing менеджерлік компаниясы осы уақытқа дейін жеңіліп көрмеген қазақстандық боксшы Александр Ковригинмен (8-0, 6 КО) келісімшарт жасасты. Бұл туралы Sports.kz хабарлады.
«Келісімшарт жасалды. Александр Ковригинмен жұмыс істейтінімізге қуаныштымыз. Жекпе-жек сәуір айында өтеді», — делінген аталған компанияның Инстаграмдағы жазбасында.
Дегенмен, Ковригиннің қарсыласы кім болатыны және жекпе-жек қайда өтетіні әзірге жарияланған жоқ.
Айта кетейік, Александр Ковригин осы уақытқа дейінгі соңғы жекпе-жегін былтыр 20 қаңтарда Германияның Мюнхен қаласында өткізген болатын. Сол кезде ол 42 жастағы румын боксшысы Виорел Симионды (23-13, 9 КО) мерзімінен бұрын жеңген еді.
Бұған дейін алматылық боксшы O1ne Sports атты неміс менеджментінің қолдауымен өнер көрсеткен болатын.