Қазақ қызы әлем чемпионатында бір жарым минутта нокаутпен жеңіске жетті (ВИДЕО)
12.03.2025, 21:00
Сербияның Ниш қаласында өтіп жатқан 2025 жылғы әйелдер арасындағы бокстан әлем чемпионатында этникалық қазақ, Ресей құрамасының атынан сынға түсіп жатқан Салтанат Меденова сенсациялық жеңіске жетті.
vesti.kz
Жекпе-жек небәрі 90 секундқа созылды
81 келіге дейінгі салмақтағы 1/8 финалдық кездесуінде Меденова Француз Полинезиясының өкілі Вероити Долли Ненамен рингке шықты. Алайда жекпе-жек ұзаққа созылған жоқ – Меденова қарсыласын небәрі бір жарым минутта техникалық нокаутпен жеңіп, келесі кезеңге өтті.
Бұл сенімді жеңіс Салтанат Меденованың турнирдегі фавориттердің бірі екенін көрсетіп отыр. Оның келесі қарсыласы жақын арада анықталады.