Әлімхан Сыздықовқа "алтын" бұйырмады
26.03.2025, 00:17
Иордания астанасы Амманда өтіп жатқан Азия чемпионатында Қазақстан грек-рим күресі құрамасының балуаны Әлімхан Сыздықов күміс жүлдегер атанды.
kazsports.kz
130 келіге дейінгі салмақ дәрежесінде белдескен Сыздықов финалға дейін сәтті өнер көрсетіп, шешуші кезеңге жолдама алды. Алайда алтын үшін өткен ақтық белдесуде ирандық Фардин Хедаятиге қарсы тұра алмады — кездесу 0:7 есебімен аяқталды.
Жалпы чемпионаттың алғашқы күні Қазақстан құрамасы үш медаль еншіледі. Әлімхан Сыздықов ел намысын абыроймен қорғап, күміс медаль әкелсе, тағы екі балуан — Ибрагимов Магомадов (77 келіге дейін) пен Шамиль Ожаев (87 келіге дейін) қола жүлдеге қол жеткізді.