Қазақстанда ескі көліктерге салық азайтылады
2026 жылдың 1 қаңтарынан бастап Қазақстанда ескі көліктерге салынатын көлік салығы азаяды. Салық кодексіне енгізілген жаңа өзгерістер азаматтардың қаржылық жүктемесін жеңілдетуге бағытталған.
Жаңа Салық кодексі: жеңілдіктер қалай жұмыс істейді?
Жаңартылған заңнамаға сәйкес, енді көлік салығы көліктің жасына байланысты төмендетіледі. Қолданысқа 2026 жылдың басынан бастап енгізілетін тәртіп бойынша:
- 11 жылдан 20 жылға дейінгі көліктерге — 30% салықтық жеңілдік қарастырылған;
- 20 жылдан асқан көліктерге — 50% жеңілдік беріледі.
Мысалы: егер сіздің көлігіңіз бар және оны 2026 жылдың ақпанында сататын болсаңыз, онда:
- 2025 жыл үшін салық толық мөлшерде төленеді (жеңілдік қарастырылмайды);
- 2026 жыл үшін салық жеңілдікпен есептеледі — көлік сіздің меншігіңізде болған айлар ғана есепке алынады және жеңілдік мөлшері ескеріледі.
Статистика: Қазақстанда ескі көліктер қанша?
2025 жылғы 1 мамырдағы ресми мәліметке сүйенсек:
- Елде 6,1 миллионнан астам автокөлік тіркелген;
- Оның ішінде 5,3 миллионы — жеңіл көлік;
- 3,5 миллионнан астам көлік 10 жылдан асқан.
Бұл дегеніміз — көліктердің кемінде жартысына жуығы жаңа салық жеңілдігіне ілігіп отыр.
Жеңілдік кімге тиімді?
Салықтық өзгеріс әсіресе ауылдық жерде тұратын, көлігін ұзақ жылдан бері пайдаланып жүрген азаматтарға тиімді болмақ. Сонымен қатар бұл қадам елде тіркелген көлік иелеріне заң жүзінде нақты қолдау көрсетуге бағытталған.