Toyota, Honda мен BMW. Биыл қандай электрмобильдер шығады?

2026 жылы Toyota, Hyundai, BMW, Chevrolet сияқты ірі әлемдік брендтер бірден бірнеше жаңа электрмобиль моделін нарыққа шығармақ. Caranddriver мәліметі бойынша кейбірі ресми түрде расталса, енді бірі әзірге алдағы жоспардың еншісінде тұр. Дәл осы модельдер 2026-2027 жылдары электрмобиль нарығының бағыт-бағдарын айқындайды. Оның ішінде Қазақстан үшін де маңызды болады.

Toyota bZ4X жаңартылды

Toyota bZ4X электр кроссовері айтарлықтай жаңарды. Модельдің динамикасы мен энергия тиімділігі жақсарған.

Қозғалтқышы жетілдірілді әрі қосымша опциялар кеңейтілді. Бұл өзгерістер bZ4X-ті күнделікті қолдануға арналған электрмобильдер сегментінде бәсекеге қабілетті ете түсті.

Subaru Uncharted – жаңа шағын электрмобиль

Тағы бір жапондық өндіруші 2026 жылғы Subaru Uncharted моделін таныстырды. Ол толық жетекті нұсқасы бар, шағын кроссовер. Автокөліктің қуаты 338 ат күшін, ал жүріс қоры шамамен 480 шақырым.

Модель фирмалық аспасымен жабдықталған және жеңіл жолсыз жерлерге бейімделу әлеуетіне ие. Бұл электрмобильдер арасында сирек кездесетін ерекшелік.

Сарапшылар бұл жаңалықты бренд үшін маңызды қадам деп бағалап отыр. Себебі Subaru бұған дейін негізінен дәстүрлі толық жетекті автокөліктерімен танымал болған.

Honda 0 Series – седан мен SUV

Honda 2026 жылы өзінің 0 Series бренді аясында электрмобильдер платформасын дамытуды жалғастырмақ.

Көп ұзамай мынадай модельдер шығуы мүмкін:

• Honda 0 SUV – шағын электрлі SUV, жүріс қоры шамамен 480 км, тез қуаттау мүмкіндігі бар;
• Honda 0 Saloon – стильді электрлі седан, премиум сегменттегі EV-мен бәсекелесуге бағытталған.

BMW iX3 және өзге де электрмобильдер

BMW де батареялы көлік тізімін кеңейтуді жоспарлап отыр:

• 2026 BMW iX3 – танымал X3 моделінің электрлі нұсқасы. Шамамен 463 ат күші бар, жүріс қоры 640 км, қуаттау 400 кВт дейін. Сатылымға 2026 жылдың жазында басталады.
• BMW i3 және iM3 толық электрлі моделдері 2027 жылға қарай нарыққа шығуады деп күтілуде. 

Audi-дың спорттық электркөліктері

Audi 2027 жылға дейін жаңа TT EV моделін шығармақ. Ол – спорттық электрмобиль, дәстүрлі TT мен R8 арасындағы модель. Аталған көлік жылдам, EV стилін іздегендерге тартымды болуы мүмкін. Дегенмен, ол Porsche деңгейіндегі суперкар емес.

Kia және Hyundai / Genesis

Kia да электрмобильдер желісін кеңейтуді әрі қарай жалғастырмақ. Ал Hyundai Motor Group аясында жаңа модельдер пайда болады:

• Genesis GV60 Magma – қуаты 600 ат күшінен асады, премиум электрсубкомпакт, спорттық сипатқа ие;
• Genesis GV90 – ірі электрлі SUV, қуаты шамамен 500 ат күші.

Chevrolet Bolt оралады

Chevrolet 2026 жылы жаңа Bolt моделін сатылымға шығаруға дайындалып жатыр. Автокөліктің жетілдірілген электр қозғалтқышы, LFP батареясы болады. Жүріс қоры шамамен 410 км. 

Lexus және алдағы жоспары

Toyota-ның премиум суббренді Lexus өкілдері Lexus LFA EV моделін жоспарлап отырғанын айтты.

Жоғары өнімді электрлі спорткар тек 2029 жылға қарай шығарылады. Ал одан бұрын автосалондарда Lexus TZ электркроссовері мен Lexus ES EV батареялық седаны пайда болады. Бұл Toyota-Lexus компаниясының электрмобильдер болашағына деген маңызды көзқарасын көрсетеді.

Басқа брендтер жайлы

Жақын арада қытайлық, америкалық, еуропалық және ресейлік өндірушілер жаңа модельдерін таныстырады. Ferrari, Bentley, Jaguar, Rolls-Royce сияқты премиум брендтер де электркроссоверлерін шығарады. Ал «халықтық» маркалар EV және гибридтік модельдер желісін кеңейтпек.