Алматыда 700-ден астам мас жүргізуші ұсталды
Жыл басынан бері қалада 850 мыңға жуық жол ережесін бұзу дерегі тіркелген.
Алматыда жол қауіпсіздігін күшейту аясында жүргізілген жұмыстар нәтижесінде 700-ден астам мас жүргізуші анықталды. Бұл туралы қалалық Полиция департаментінің бастығы Айдын Қабдулдинов тұрғындармен есептік кездесу барысында мәлімдеді.
Айдын Қабдулдиновтың айтуынша, Алматы — көлік ағыны ең жоғары қалалардың бірі. Сондықтан жолдағы тәртіпті сақтау — қауіпсіздіктің негізгі факторы.
"Жолдағы әрбір құқық бұзушылық – адамдардың өмірі мен денсаулығына төнген әлеуетті қауіп. Біздің міндет – мұндай фактілерді анықтау ғана емес, сонымен қатар жол қозғалысына қатысушылардың барлығында жауапты мінез-құлық мәдениетін қалыптастыру", — деді ол.
Статистика: құқықбұзушылықтар азаймай тұр
Жыл басынан бері Алматыда 850 мыңға жуық жол ережесін бұзу дерегі тіркелген.
- 700+ жүргізуші мас күйде ұсталған
- 724 адам жүргізу құқығынсыз көлік басқарған
- 960 адам жүргізуші куәлігінен айырылса да, қайта рөлге отырған.