"Қазавтожол" биылғы 11 айда ақылы жолдардан ₸48 млрд табыс тапқан
30.12.2024, 22:01
Ағымдағы жылы елімізде 12 мың шақырым жол жаңарып, рекордтық көрсеткіш тіркелген.
Ulysmedia.kz
Биыл елімізде 12 мың шақырым жол жаңарып, рекордтық көрсеткіш тіркелді. Оның 8 мыңы республикалық желі, 4 мыңы жергілікті желі.
Бұқтырма су қоймасының үстінен өтетін 1300 метрлік көпір, Түркістан облысы Шақпақ баба асуынан өтетін 850 метрлік тунель, Алматы облысы Шамалған станциясындағы 6 шақырымдық жол айрығының құрылысы аяқталды.
Сонымен қатар, "Алматы – Астана", "Талдықорган- Қалбатау -Өскемен", "Атырау-Астрахань" және "Ақтөбе – Қандыағаш" трассалары пайдалануға берілді.
Өз кезегінде "Қазавтожол" компаниясы биылғы 11 айда ақылы жолдардан 48 млрд теңге табыс тапқан. Көрсеткіш былтырмен салыстырғанда 15 пайыз көп.