Алматы мен Қаскелең арасындағы жол сегіз жолақты болады
20.01.2025, 17:29
Ташкент тасжолының бір бөлігі кеңейеді. Бұл туралы іссапармен келген көлік министрі Марат Қарабаев айтты.
kolesa.kz
Трасса сегіз жолақты болуға тиіс, бұл қазір тәулігіне 60 мың машина өтетін жолдың өткізу қабілетін 90 мың автомобильге дейін арттырады. Одан бөлек 12 жерүсті жаяу жүргінші өткелі мен бірнеше эстакада салынады. Шенеуніктер жұмысты екі кезеңге бөліпті. Бастапқыда Үлкен айналма жолдан Қаскелеңдегі өтпеге дейінгі бөлік жөнделеді, содан соң мамандар Әйтей ауылына бұрылатын жерге дейінгі бөлікті қолға алады.
Шенді құрылыс қашан басталып, қашан аяқталатынын нақты айтпады, әзірше тек жобасы жасалып жатқаны белгілі.