"Сергек" Астанадан кетеді – бірақ...
Астанада "Сергек" жүйесімен келісімшарттың тоқтатылатыны белгілі болды, бірақ бейнебақылау жүйесі қалада сақталады.
Егер Алматыда “Сергек” арқылы экологиялық нормаларды бұзатын автокөліктерді анықтау жоспарланып жатса, елордада бұл жүйемен келісімді ұзартпау туралы шешім қабылданды.
Астанадағы бейнебақылау жүйесі Біріккен Араб Әмірліктерінің инвесторына беріледі. Жаңа серіктестер жасанды интеллекті бар заманауи жүйені орнатуы тиіс. Бұл жүйе 22 мың жалпы бейнебақылау камерасын, 732 қиылыстардағы аппараттық-бағдарламалық кешенді (АБК) және 470 сызықтық учаскелердегі АБК-ны қамтиды. Кешеннің үздіксіз жұмысын қамтамасыз ету үшін тұрақты электрмен жабдықтау және бейне ағынды тұрақты беру мақсатында негізгі бөлігі оптикалық байланыс желісіне қосылады.