"Байланыста болыңыздар": Димаш Құдайберген маңызды мәлімдеме жасайтынын хабарлады
Қазақстанның халық әртісі, әлемге әйгілі әнші Димаш Құдайберген өзінің жанкүйерлерін әлеуметтік желіде ерекше мәлімдемемен таңқалдырды. Ол Instagram парақшасында жақын арада маңызды ақпаратпен бөлісетінін жазды.
Димаш Құдайберген өз жазбасын Instagram-дағы Stories бөліміне жариялады. Хабарлама қазақ, орыс және ағылшын тілдерінде жазылған, бұл — оның әр елдегі жанкүйерлеріне бірдей қолжетімді болуын көздеген.
“Дәл 8 сағаттан кейін өте маңызды мәлімдеме жасаймын. Байланыста болыңыздар”, – деп қысқа ғана жазды ол.
Димаш мәлімдеменің нақты не жайлы екенін ашып айтпаған. Сол себепті желіде жанкүйерлердің қызығушылығы артып, түрлі болжамдар пайда болуда.
“Не болады екен?”, “Жаңа ән бе, альбом ба әлде тур ма?” – деп жазды фанаттары.
Әзірге ресми мәлімет жоқ, бірақ Димаштың интригасы көпшілікті күтуде ұстап отыр.
