Ерке Есмахан RaiM-ның туған күнінде жаңа үйін көрсетті

Редактор Penalty.kz
19.04.2025, 11:23

Эстрада жұлдызы Ерке Есмахан жұбайы Раймның туған күнін ерекше түрде атап өтті. Өнер иесі бұл қуанышты сәтті Instagram парақшасында бөлісті.

Instagram/@erke_esmahan

Әнші әлеуметтік желіде жолдасына арнаған жазбасында: "Жаңа жасын жаңа үйде қарсы алдық", – деп атап өтті. Алайда Ерке бұл үйде өздері тұрмайтынын, баспананың балалары үшін арнайы сатып алынғанын жеткізді.

Жұлдызды жұптың айтуынша, жаңа баспана — болашақ ұлдарына арналып алынған.

"Бұл үйде біз тұрмаймыз. Күйеуім балаларымыз ер жеткенде деп алдын ала қам жасап отыр. Алла сол күнге жеткізсін", – деді ол.

Әнші мерекелік сәтте құттықтап, ізгі тілек білдірген оқырмандарына ризашылығын білдірді:

"Туған күн мен жаңа қоныспен құттықтаған барша жанға алғысым шексіз. Айтқандарыңыз келсін. Жақсы сөздеріңіз өздеріңізге еселеп қайтсын. Мен болсам, өз вилламды күтіп жүрмін. Бәрі уақыт еншісінде. Шүкір", – деп жазды Ерке Есмахан.