Данияр Елеусінов ұлымен ерекше "жекпе-жек" өткізіп, желіні тәнті етті (ВИДЕО)
IBO нұсқасы бойынша бұрынғы әлем чемпионы, қазақстандық боксшы Данияр Елеусінов Instagram парақшасында ұлымен бірге түскен әсерлі видеосын жариялады. Әлеуметтік желі қолданушылары бұл бейнероликке сүйсініп, жылы пікірлер қалдырды.
“Қазақтың гүрілі” мен Мұхаммедтің жылдамдық жарысы
Бейнероликте Данияр Елеусінов пен оның ұлы Мұхаммед қолдың жылдамдығына байланысты жарысып, ауаға соққы жасап тұрған сәттері көрсетіледі. Пост астына боксшы:
“Ұлыммен бірге жылдамырақ болуға тырысып жатырмын”, – деп жазған.
Көрермендер видеоны жылы қабылдап, “от” пен “жүрек” эмодзилерімен толы пікірлер қалдырды. Жазба 1,5 мыңнан астам лүпіл жинады.
Жаңа лига – жаңа мүмкіндік
Қазір Данияр Елеусінов АҚШ-та жаңа бокс лигасындағы дебютіне дайындалып жатыр. Бұл лига UFC президенті Дана Уайт пен Сауд Арабиясының ықпалды инвесторы Турки әл аш-Шейхтің бастамасымен құрылған. Алайда алғашқы жекпе-жегінің нақты күні әлі белгісіз.