Димаш Құдайбергеннің анасы жанкүйерлерге мәлімдеме жасады
Әлемге танымал қазақстандық әнші Димаш Құдайбергеннің анасы, белгілі өнер иесі Светлана Айтбаева ұлының туған күніне байланысты құттықтаулар мен қолдау сөздері үшін жанкүйерлерге алғыс білдірді.
Димаш 31 жасқа толды – әлем жанкүйерлерінен мыңдаған құттықтау
24 мамыр күні Димаш Құдайберген 31 жасқа толды. Әншінің туған күніне орай әлемнің түкпір-түкпірінен жанкүйерлер ыстық лебіздерін жаудырып, жүрекжарды тілектерін жолдады.
Желі қолданушылары әлеуметтік желілерде:
- "Туған күніңмен, әлемнің ең үздік әртісі!"
- "Біздің қымбатты қазақ баламыз, әлемдегі жалғыз асыл қазынамыз! Біз сені шексіз жақсы көреміз!"
- "Сені көру – бақыт, сені есту – нығмет, ал концертіңе бару – әрбір жанкүйер үшін орындалмас арман!" – деген сынды пікірлер қалдыруда.
Светлана Айтбаева: "Сіздердің дұғаларыңыз бен махаббаттарыңыз ұлымды қорғайды"
Димаштың анасы, әнші Светлана Айтбаева әлеуметтік желіде жазба жариялап, барша тілектес қауымға алғысын жеткізді:
"Жарқыраған Дикомды құттықтаған әрбір жанға алғысым шексіз. Сіздердің ниеттеріңіз бен дұғаларыңыз қай жерде жүрсе де, оны қорғайтынына сенемін. Алла разы болсын, ұрпақ қуанышына бөлеп, бақытты ғұмыр нәсіп етсін!" – деді ол.
Сонымен қатар Айтбаева Dears қауымдастығына ерекше ризашылығын білдірді:
"Елге, отбасымызға деген құрметтеріңіз, Димашқа деген махаббаттарыңыз үшін мың алғыс!" – деп жазып Димашпен бірге түскен суретін көрсетті.
Алматыда жанкүйерлермен фан-кездесу өтеді
26 мамырда Алматы қаласында Димаш Құдайбергеннің жанкүйерлерімен фан-кездесуі өтеді. Бұл шараға әлемнің 40 елінен келген Dears жанкүйерлері қатысады деп жоспарланған.