Беркут пен Аиша қызын қырқынан шығарды (ВИДЕО)
Қазақстандық танымал өнер иелері Беркут пен Аиша отбасында ерекше қуанышты сәтті атап өтті. Олар сәбиі Латифаның өмірге келгеніне қырық күн толуына орай дәстүрлі салт бойынша рәсім өткізді.
Салт-дәстүр сақталған сәт
Шара тек жақындардың қатысуымен үй жағдайында өтті. Қонақтар Латифаға ұзақ ғұмыр, денсаулық пен жарқын болашақ тіледі. Видеода Беркут пен Аишаның аналары да көрінеді. Олар немерелерін батамен көтермелеп тұрған сәт түсірілген.
"Менің кішкентай ханшайымым. Ең бастысы – аман бол. Алла сені әлемдегі ең бақытты жандардың қатарына қоссын, менің құлыншағым. Жаратқан жаман көзден, жаман сөзден сақтасын", – деп жазды Беркут қызына арнаған жүрекжарды жазбасында.
Әлеуметтік желі қолданушылары құттықтауларын жаудырды
Желі қолданушылары да бақытты ата-ананы құттықтап, жылы лебіздерін қалдырды:
- "Қызыңыз Латифа бақытты да, дені сау қыз болып өссін!"
- "Жарық болашақ болсын"
- "Сұлу да ақылды болғай"
- "Халықтың мақтанышына айналсын"
Еске салсақ, мамыр айында Беркут пен Аишаның отбасында төртінші сәбиі дүниеге келген еді. Әншінің анасы немересін алғаш көрген сәтте көз жасына ерік берген болатын.