"Бұл не деген сұрақ?!" — Қайрат Нұртас дүкенге кіріп, сатушыны тосын сауалмен таңғалдырды (ВИДЕО)
Танымал әнші азық-түлік дүкенінде не сатып алмақ болғанын есінен шығарып, елді күлдірді.
Instagram желісінде кеңінен тараған видеода Қайрат Нұртас Алакөлде демалып жүріп, жақын маңдағы азық-түлік дүкеніне бас сұғады. Алайда ол не алу керегін ұмытып, сатушыдан: "Не бар сіздерде?" деп сұраған. Бұл сәтті камераға түсіріп үлгергендер, бейнематериалды әлеуметтік желіде жариялап жіберген.
Көпшілік әншінің аң-таң күйге түскенін әзілмен қабылдап, түрлі пікірлер жазуда:
"Адам болған соң ұмытады да",
"Қайрат та біз секілді қарапайым адам ғой",
Тым қарапайымсың, сол қалпыңнан айныма!" – деп жазды оқырмандар.
Бұл оқиға Қайраттың халықпен қарым-қатынасындағы шынайылығын тағы бір мәрте дәлелдегендей.
Бұған дейін не болған еді?
Айта кетейік, жуырда Астанада өткен Oyu Fest музыкалық фестивалінен кейін әншінің ақ түсті Mercedes көлігі жанкүйерлермен қоршалып қалған болатын. Қайрат еш ренішсіз көлік төбесіндегі люк арқылы басын шығарып, жиналған жұртқа қол бұлғап амандасты. Видеодан жүздеген адамның оны телефонына түсіріп, есімін атап шақырып жатқаны көрінеді.