Күйеу жігіт кім? "Брат или брак" жұлдызы тұрмысқа шықты (ФОТО)
Қазақстандық танымал актриса әрі продюсер, "Брат или брак" франшизасының басты жұлдыздарының бірі — Құралай Анарбекова ресми түрде қалыңдық атанды.
Бұл туралы оның құрбысы, тележүргізуші Ләйлә Сұлтанқызы Instagram парақшасында хабарлады.
“Бақыт өз уақытымен келеді — ол үшін ерте немесе кеш деген жоқ. Менің құрбым Құралай Анарбекова қалыңдық атанды. Сенің таңдаған адамың кең пейілді, шын жүректі жан екеніне сенемін. Бір-бірін ұзақ іздеп тапқан қос ғашыққа мәңгілік махаббат тілеймін”, — деп жазды Ләйлә Сұлтанқызы.
Ол желіде Құралайдың қалыңдық көйлегімен түскен суретімен де бөлісті.
Әлеуметтік желіде – құттықтау толқыны
Құралай Анарбекованың бұл қуанышты жаңалығы желі қолданушылары арасында жылы қабылданып, түрлі пікірлер мен лебіздер жазылды:
“Біздің сұлуымыз шын бақытты болсын”,
“Жігіттің кім екенін енді қанша күтеміз екен”,
“Өзі сондай көрікті, әрі мықты актриса”,
“Жастарға бақыт тілейміз!” — деп жазды желі қолданушылары.
Актрисаның өзі ұсыныс жайлы желіде бөлісті
Бірнеше күн бұрын Құралай Анарбекова Instagram желісінде сақинаны көрсеткен бейнежазбасын жариялаған.
Онда актриса: “Мұндай ұсынысқа не деуге болады?” — деп жазып қалдырған.
Көпшілік оның сол бейне арқылы құпия түрде ұсынысты қабылдағанын болжаған. Енді міне, жауабы анық: актриса қалыңдық атанды.
Бұрынғы сұхбаттарында не айтқан еді?
Құралай Анарбекова бұған дейінгі сұхбаттарында қоғамдағы әйелге деген талап пен стереотиптер жайлы өз ойымен бөліскен:
“Әйел болу – тек отбасын құру емес. Бұл – таңдау, өз жолыңды табу, өзіңе адал болу”, — деген болатын актриса бір сұхбатында.
36 жастағы актриса ұзақ уақыт бойы отандық шоу-бизнестегі "сұранысқа ие бойжеткендер" қатарында аталып келген болатын. Енді ол жаңа өмірге қадам басып отыр.