Айқын Төлепберген бесінші мәрте әке атанбақ (ФОТО)
Қазақстандық танымал әнші, продюсер Айқын Төлепберген әлеуметтік желіде өз отбасындағы ерекше жаңалықты жария етті. Ол жұбайы Жұлдыз Өмірғалидің тағы бір сәби күтіп отырғанын қуана жеткізді.
"Тағы да әке боламын"
Өнер иесі Instagram парақшасында келесідей жазба қалдырды:
"Жаным, Жұлдыз. Мен тағы да әке болғалы жатырмын. Егер бәрі сәтті өтсе, бесінші перзентіміз дүниеге келеді. Таңғы ұйқыны ұмытып, сәбидің иісімен мас боламыз. Бұл – біз үшін үлкен қуаныш. Осы шаттық баршаңызға жұғысты болсын. P.S. Айтпақшы, көпбалалы әке ретінде мемлекеттен қандай жеңілдіктер қарастырылған? Жолақы, жәрдемақы секілді", – деп жазды Айқын.
Бұл жазба әлеуметтік желі қолданушылары арасында кеңінен тарап, жанкүйерлер әншіні құттықтап, жылы тілектерін жаудырды.
Жеке өмірі туралы қысқаша
Айта кетсек, Айқын Төлепберген алғашқы некесін Әсел есімді азаматшамен құрған. Алайда 2018 жылы олардың отбасылық өмірі аяқталған. Кейін әнші Жұлдыз Өмірғалимен шаңырақ көтеріп, бүгінде екеуінің ортақ балалары бар.
Көпбалалы әкелерге мемлекет қандай қолдау көрсетеді?
Айқынның жазбасында айтылғандай, көпбалалы әкелер мен аналар үшін бірқатар мемлекеттік жеңілдіктер қарастырылған. Соның ішінде:
- тегін қоғамдық көлік пайдалану құқығы (кейбір өңірлерде);
- арнайы жәрдемақылар мен әлеуметтік төлемдер;
- балабақша мен мектепке тегін қабылдау жеңілдіктері;
- тұрғын үй бағдарламаларындағы басымдықтар.
Осыған орай Айқынның көтерген мәселесі – қоғамда өзекті әрі көпшілікті толғандыратын тақырып.