Бағым Мұхитденова: "Мен пікірімнен айныған емеспін" — продюсер Димашқа қатысты мәлімдемесін түсіндірді (ВИДЕО)
Қазақстандық танымал продюсер Бағым Мұхитденова көпшілік назарын қайта аударған Димаш Құдайбергенге қатысты пікірі туралы ашық айтты.
“Мен тек бір әнге баға бердім”
Продюсер 12 жыл бұрын айтқан пікірі әлі күнге дейін түрлі интерпретацияға ұшырап жүргенін атап өтті. Ол бұл жайлы Аман Тасығанға берген сұхбатында баяндады.
“Қызығы, бір ғана сөйлем ел арасына тарап, соның кесірінен мен Димашқа биік нотамен ән айтуға қарсы болғандай көріндім. Шын мәнінде, мен тек бір орындауда қажетсіз айқай болғанын айтқым келген еді”, – деді Мұхитденова.
Ол өзі сынға алған ән жайында "Песни" жобасы аясында кәсіби пікір білдіргенін түсіндірді. Продюсердің айтуынша, туындының техникалық деңгейі әлсіз болған және әлемдік деңгейдегі хитке лайық болмаған.
Сапалы ән хитке айналады
Бағым Мұхитденова Димаштың дауысына немесе вокалдық шеберлігіне қатысты ешқандай теріс пікір айтпағанын ерекше атап өтті.
“Менің айтқаным — тек кәсіби баға. Ән тым қарабайыр, сәтсіз таңдалған деп есептеймін. Егер сапалы болса, ол сөзсіз танымал болар еді. Бірақ олай болмады. Сондықтан мен өз пікірімде қаламын”, – деді ол.
“Кешірім сұрау – қажетсіз”
Сұхбат барысында продюсер кей тыңдармандардың тарапынан айтылған кешірім сұрау туралы талаптарға да пікір білдірді.
“Кешірім сұра дегендер болды. Бірақ не үшін? Мен нақты бір адамның жеке қасиетіне емес, тек бір шығарманың сапасына ғана баға бердім. Бұл – жеке шабуыл емес”, – деп сөзін түйіндеді Бағым Мұхитденова.