Жұлдыз Әбдікәрімова өз түр-әлпетіне қатысты сын айтқандарға жауап берді
Қазақстандық танымал актриса Жұлдыз Әбдікәрімова әлеуметтік желідегі кейбір қолданушылардың сыртқы келбетіне байланысты жазған пікірлеріне жауап қайтарды.
“Көзіңіздің асты неге көгеріп тұр?”
Желіде актрисаның фотосуреттеріне түрлі пікір жазылған. Оқырмандардың кейбірі оның келбетіне алаңдаушылық білдіріп, денсаулығына қатысты сұрақтар қойды:
- “Бала көтергелі қартайып кеткен секілдісіз. Көп уайымдайсыз ба?”
- “Түсіңіз сарылау тартып тұр, билирубиніңіз қалыпты ма екен?”
- “Көзіңіздің астындағы көгеру неліктен пайда болды?”
Жұлдыздың жауабы: “Мәселе менде емес — өзіңізден іздеңіз”
Актриса бұл пікірлерге бейжай қалмай, өзінің парақшасында былай деп жазды:
“Өзіңді мазалап жүрген ішкі күйіңді өзгеден көріп, сыртқа проекциялау – бұл сенің мәселең. Мұндай жағдайда адам өз ішіне үңіліп, ішкі дағдарысын мойындауы тиіс.
Біреуге пікір айтқанда, оның өзіңе де қатысты болуы мүмкін екенін, жазғаныңды өзің де оқитыныңды ұмытпа!
Егер шын алаңдаушылықпен жазып жатсаңыз – бекер уайымдамаңыз. Маған айтылған бұл сөздердің ешқайсысы өзіме қатысы жоқ!”