"Сахна мәдениеті қайда?" – Қайрат Нұртастың қызы сынның астында қалды (ВИДЕО)

Алау Нұртас әкесімен бірге сахнаға шықты

Отандық танымал әнші Қайрат Нұртастың қызы Алау Нұртас кезекті концерттік кештердің бірінде сахнаға әкесінің қолынан ұстап шықты. Бұл сәттің видеосы әлеуметтік желілерде тез тарап, қызу талқыланды.

Желі қолданушылары неге ренжіді?

Алаудың сахнада ұстаған қимылы көптің көңілінен шықпаған. Қолында ұялы телефон ұстаған қыздың әрекеті сынға ілікті. Желі қолданушылары оның сахнада телефонмен жүргенін көрерменге деген құрметсіздік деп қабылдаған.

• "Телефонды бірінші рет көргендей",
• "Сахнаға телефонмен шығу – мәдениетке жат",
• "Қызы да Қайратпен видеоға түсіп мәз",
• "Сахна – жай камераға түсетін жер емес. Құрмет болуы керек",
• "Қызы әкесінің еңбегін бағаламаған сияқты", – деп жазды пікір иелері.

Бұған дейін Алау Нұртас көпшілік өзін тек "Қайраттың қызы" ретінде қабылдайтынына реніш білдірген. Ол мұндай пікірлерден шаршағанын және өзімен фотоға түскісі келетіндерге кейде келіспейтінін ашық айтқан еді.