"Нағыз өнер туындысы": Бразилиялық журналист Қазақстан туына Шавкат Рахмонов арқылы тәнті болды

Шавкат туралы сюжет Қазақстан туына ғашық етті

Бұл туралы ММА сарапшысы өзінің әлеуметтік желідегі X парақшасында жазды. Игор Серафини қазіргі таңда Қазақстанның ең танымал файтерлерінің бірі – Шавкат Рахмоновқа арналған бейнематериал дайындап жатқанын айтып, туымыздың әсемдігіне ерекше баға берді.

“Мен Шавкат Рахмонов туралы видео жасап жатырмын және мынадай қорытындыға келдім: Қазақстанның туы — нағыз өнер туындысы. Бұл — әлемдегі ең көркем тулардың бірі. Тіпті ең әдемісі деуге болады. Керемет”, – деп жазды ол.

Жанкүйерлер: "Шавкатқа ерекше шорты керек!"

Серафинидің жазбасына пікір қалдырғандар арасында Шавкат Рахмоновқа арнайы костюмды шорты жасау қажет деген ұсыныстар айтылды. UFC-де соңғы жылдары жекелеген жұлдыздарға арналған ерекше дизайндағы шорттар қолданылып жүр. Мысалы:

• Дастин Порье
• Ислам Махачев
• Чарльз Оливейра
• Илия Топурия
• Мераб Двалишвили және басқа да танымал файтерлер
• UFC-де костюмды киім киіп өнер көрсетуде.

Жанкүйерлер енді Шавкат Рахмоновтың да октагонға көк ту бейнеленген жеке шортымен шығуын қалайды.