Бекхэмнің келіні сәнді бейнесімен жұртты таңқалдырды
Никола Пельтц-Бекхэм — америкалық актриса әрі модель, Виктория мен Дэвид Бекхэмнің келіні — өзінің жаңа фотосессиясымен Instagram парақшасындағы 3,1 миллион оқырманын тәнті етті.
30 жастағы жұлдыз жаңа фотосессияда қара түсті бюстгальтер мен ақ түсті қысқа шорты киіп, сырт келбетін айшықтады. Оның сәнді бейнесін басына тағылған спорттық таңғыш толықтырды. Барлық суреттер қара-ақ стильде түсірілген, бұл кадрларға ерекше эстетика мен классика элементін сыйлады.
Кейбір суреттерде Никола жалғыз бейнеленсе, ал бірнеше кадрда күйеуі Бруклин Бекхэммен бірге түскен. Жұлдызды жұптың үйлесімділігі тағы бір мәрте жанкүйерлердің назарына ілікті.
Өмір жолы мен мансап
Никола Энн Пельтц 1995 жылдың 9 қаңтарында АҚШ-тың Нью-Йорк штаты, Уэстчестер округінде дүниеге келген. Оның әкесі — миллиардер кәсіпкер Нельсон Пельтц, байлығы шамамен 1,7 миллиард долларға бағаланады. Анасы — Клаудия Хеффнер, бұрынғы кәсіби модель.
Никола 11 жасында алғаш рет киноға түсіп, 15 жасында танымалдыққа ие бола бастады. Оның алғашқы ірі рөлі — «Добро пожаловать, или Соседям вход воспрещен» (2006) атты рождестволық комедиядағы образы болды. Бұл туынды оған кино мен сән әлеміне жол ашты.
Бойы сән индустриясы үшін әдеттегі 175 см-ден қысқалау (166 см) болғанына қарамастан, Никола Париж сән апталығына қатысуға шақырылып, испандық сән үйінің коллекциясын сәтті таныстырды.
Жеке өмір: Бекхэмдер отбасымен байланыс
Никола мен Бруклин Бекхэмнің қарым-қатынасы 2020 жылдың басында жария болды. Ал сол жылдың шілдесінде олар салтанатты үйлену тойын өткізді. Осы некеден кейін Никола тек сән мен кино саласында ғана емес, Бекхэмдер әулетінің бір мүшесі ретінде де жиі назарға ілігуде.