Танымал продюсер әрі актриса Баян Алагөзова Instagram парақшасында кіші қыздары — Алма мен Алистың жаңа суретін көрсетті. Желі қолданушылары кадрдағы жылы атмосфераны ерекше атап, пікір қалдыруға асықты.
Жарияланған фотода бүлдіршіндер қалың жылы комбинезон киіп, аққаланың қасында тұрғаны көрінеді. Кадрдан жаңа жылға тән көңіл күй сезіледі.
Өнер иесі суретке қысқа ғана мәтін қосып, қыздарын еркелете атап өтті.
Жанкүйерлер тәтті кадрға жылы лебіздерін жаудырды. Пікір қалдырғандар арасында отандық шоу-бизнес өкілдері де бар. Қолданушылар «тәттілер», «бақытты болыңдар», «жиі көрсетіңіздер», «өсіп қалыпты» деген мазмұнда тілектерін жазған.