Фёдор Емельяненконың ағасы пәтерден айырылды
Александр Емельяненко баспанасыз қалды.
Танымал ресейлік файтер Александр Емельяненко Мәскеуде Омар Кремлевтен пәтер алмайды. Себебі ол биыл қаңтарда Халықаралық бокс қауымдастығының президентімен бәс тігіп шарттарын орындай алмады.
IBA басшысының айтуынша, ауыр салмақтағы файтер Ингушетиядағы "Иман" оңалту орталығында жарты жыл өткізгеніне қарамастан байсалды өмір салтын ұстана алмаған. Ол Ингушетияда алкогольді тәуелділіктен емделді.
“Өкінішке қарай Александр жеңілді. Бірақ мен оған сәттілік тілеймін. Ол дұрыс жол таңдап, бәрі жақсы болады деп үміттенемін”, – деді Кремлев.
Александр Емельяненко 2020 жылы ақпан айында "Ахмат" клубының президенті Абузайд Висмурадовпен дәл осындай бәс тіккен. Бірақ кейін "Мерседес" көлігін Шешенстанға кайтаруға мәжбүр болған. Өткен аптада 43 жастағы спортшы National Fighting League-мен келісімшартқа отырды. Алғашқы жекпе-жегін 21 желтоқсанда Назранидегі NFL 2 турнирі аясында өткізеді.