Алып балық аквариумдағы актрисаның басын жұлып ала жаздады (ВИДЕО)
30.01.2025, 08:39
Қыздың басшысы бұл жағдайдың жай-жапсарын жұрттан жасырмақ болған.
tass.ru
Қытайда су перісінің рөлін сомдап жүрген Маша есімді ресейлік актрисаға алып балық шабуыл жасады.
Балық күтпеген жерден 22 жастағы әртістің басын жұлып ала жаздайды. Машаның айтуынша, шабуылдан оның басы, мойны мен көзіне қатты зақым келген.
Таңқаларлығы сол, оқиғадан кейін Машаның моральдық шығыны үшін небәрі 96 доллар ұсынылған. Сонымен қатар, оның жұмыс берушісі бұл жағдайдың жай-жапсарын жасырмақ болып, оған оқиға туралы жария етуге тыйым салған.
Аталған тұщы су аквариумында Меконг пен Янцзы өзендерінің жергілікті түрлері мен сирек кездесетін қосмекенділер мекендейді. Алайда, шабуылдаған балықтың нақты қай түрі екені белгісіз.