Британдықтар «Кәрі синьораны» жеңе ала ма?

G тобы. «Ювентус» (Италия) – «Манчестер Сити» (Англия). 27 маусым, 00:00 (Астана уақыты)

G тобындағы жағдай екінші турда-ақ анықталды: «Ювентус» пен «Манчестер Сити» плей-офф кезеңіне мерзімінен бұрын өтті. Енді екі команда бірінші орын үшін күреседі, ал Olimpbet сарапшылары бұл кездесуде ағылшын премьер-лигасының өкілі жеңіске жетеді деп болжап отыр.

Иә, екі клуб та 1/8 финалға шығу міндетін орындады, бірақ бұл ойынға мотивация әлі де жоғары. Жеңілген команда Н тобында көш бастап тұрған «Реалмен» кездесуі мүмкін.

«Ювентус» «Манчестер Ситимен» матчтарда жақсы көрсеткішке ие. 1976 жылғы алғашқы кездесуде «қалалықтарға» жол бергеннен кейін «кәрі синьора» кейінгі алты кездесуде жеңілмеген. Соңғы он жылда өткізілген үш ойын да туриндіктердің пайдасына шешілді. Оның ішінде өткен маусымдағы Чемпиондар лигасының жалпы кезеңінде де.

Пеп Гвардиола шәкірттеріне бұл ыңғайсыз қарсыласты жеңу үшін көп күш салуға тура келеді. Дегенмен, букмекер сарапшылары британдықтардың мұндай міндетті орындауға шамасы жетеді деп есептейді.

Сонымен қатар, Olimpbet Arena атап өткендей, «Ювентус» топ-командаларға қарсы матчтарда аз гол соғады. Туриндік клубтың соңғы 11 матчының 7-інде екі голдан артық салынбаған.

Орландодағы «Кэмпинг Уорлд» стадионында өтетін матчта гол соғуы ықтимал футболшы ретінде норвегиялық шабуылшы Эрлинг Холанн қарастырылып отыр.

Н тобы. «Зальцбург» (Австрия) – «Реал Мадрид» (Испания). 27 маусым, 06:00

Н тобындағы жағдай G тобына қарағанда әлдеқайда күрделі. Топтағы командалардың ешқайсысы да 1/8 финалға өтуді әлі қамтамасыз еткен жоқ. Плей-офф кезеңіне шығу мүмкіндігінен тек мексикалық «Пачука» ғана айырылды.

Екі турдың нәтижесі бойынша топта мадридтік «Реал» көш бастап тұр, енді топтың соңғы матчында олар «Зальцбургпен» кездеседі. Olimpbet сарапшылары бұл ойында «корольдік клубты» айқын фаворит деп есептейді.

«Реал» көшбасшысы Килиан Мбаппе бұл кездесуге қатыспайды. Мадридтік клубтың бапкері Хаби Алонсо шабуылшының асқазан-ішек қабынуынан кейін толық қалпына келмегенін хабарлады.

Қазіргі уақытта испандықтар мен австриялықтардың ұпайы тең, «галактикос» голдар айырмасы бойынша аз ғана алда. Плей-офф кезеңіне шығу үшін мадридтіктерге соңғы турда жеңілмесе жеткілікті.

Алайда тең нәтиже Хаби Алонсоның командасына топтағы бірінші орынды мүлдем кепілдемейді. Ал «Зальцбург» «Реалмен» тең ойнаса, плей-офф кезеңінен тыс қалуы мүмкін. Осы себептен екі қарсылас та тек жеңіс үшін ойнайды.

Olimpbet сарапшыларының пікірінше, мадридтік команданың жеңіске жету ықтималдығы жеті есеге жуық жоғары.

Филадельфиядағы «Линкольн Файненшел Филд» стадионында өтетін матчтың голдарға бай болуы күтілуде.