ЖБ Шоу! Қайрат сенсация жасай ма?
«Ливерпуль» Ыстамбұлда ойран салады, ал «Челси» Моуриньюды жылатады деген болжам бар.
Чемпиондар лигасының жалпы кезеңі тур өткен сайын қыза түсуде. Осы аптада екінші тур аясында бірнеше тартысты ойын өтеді. Әдеттегідей, ЖБ резиденттері – Ермаш, Олжас және Ганс триосы – басты матчтарға өз болжамын жасады.
«Қайрат» – «Реал»: сенсацияның дәмі
Үшеуінің де пікірі бір жерден шықты: алматылық «Қайрат» Мадридтің «Реалына» қарсы ойында міндетті түрде сенсация жасайды. Бірақ әңгіме жеңіс жайлы емес. Сарапшылардың айтуынша, «Қайрат» тарихи қарсыласының қақпасына гол соғып, қазақ футболының Еуропадағы есімін тағы да естіртеді.
Трионың болжамынша, Англия алыбы «Ливерпуль» түріктің аренасында нағыз гол шоуын көрсетпек. «Қызылдар» Ыстамбұлда қарсыласын тас-талқан етеді деген сенім басым.
Ал Лондонда ерекше эмоция күтіп тұр. Ермаш, Олжас және Ганс “Челси” атақты Жозе Моуриньюдың командасын қыспаққа алып, Португалия маманын көз жасына ерік беретіндей етіп жеңетініне сенімді.