Көшбасшылар арасындағы тартыс: «Северсталь», «Локо», «Торпедо» және «Динамо» бір-бірін қыспаққа алды

Командалар бір-біріне өте жақын орналасқан, ал осы ойын күнінде мұз айдынында тікелей бәсекелестер кездеседі.

«Северсталь» (Череповец) – «Локомотив» (Ярославль)

Тұрақты чемпионат. 28 қараша, 21:30 (Астана уақыты)

«Северсталь» Батыста бірінші орынға барынша жақындап қалды және матч сәтті аяқталса, «Локомотивті» ығыстыра алады. Алайда Olimpbet сарапшылары ярославлық клубтың ұпай жоғалтпай, позициясын сақтап қалатынын болжайды.

«Северсталь» лидерлікті көздейді

Команда жоғары көтерілуіне мықты жеңісті сериясы себеп болды. Андрей Козыревтің ойыншылары қатарынан бес матчта жеңіске жетті – үшеуін негізгі уақытта, екеуін овертаймда.

Череповец ұжымы екі апта бойы өз алаңында ұзақ серия өткізіп, соның арқасында маңызды ұпайлар жинап үлгерді. Бірақ соңғы матчта СКА-ға қарсы қателік жіберіп, 4:6 есебімен жеңілді. Егер сол ойында жеңіс тіркелгенде, «Северсталь» Батыстың көшін бастап тұрар еді. Қазір команда «Локомотивтен» бар болғаны бір ұпайға ғана қалып келеді, әрі бір ойын артық өткізу мүмкіндігі бар.

«Локомотивті» тұрақсыздық қысады

«Локомотив» бірінші орынды сақтап тұр, бірақ командаға айқын тұрақтылық жетіспейді. Осы айда ярославлықтар тіпті өз алаңында «Барыстан» 0:4 есебімен ойсырай ұтылды, жалпы жеңіс пен жеңілісті кезектестіріп келеді.

Боб Хартли командасы қарсыластардан айырмашылығы ретінде, жеңісті серияға шыға алмай жүр. «Локо» сырт алаңдағы кезеңін турнир кестесіндегі тағы бір көшбасшы үміткері – московалық «Динамодан» 0:1 есебімен жеңілістен бастады.

Матчтан не күтеміз?

Қолданыстағы Гагарин Кубогының иегері шабуылда нәтижелі, ал қорғаныста өте тәртіпті ойын көрсетеді. Әсіресе команда екінші периодта жақсы ойнайды, бұл олардың жеңіске деген мүмкіндігін арттырады.

Ал «Северсталь» шабуылы мықты қарсыластардың қарқынына жиі төтеп бере алмай, бір матчта екі-төрт шайба өткізіп алады.

Бұл маусымда командалар төртінші рет кездеседі. Бұған дейінгі үш матч та алаң иелерінің пайдасына аяқталған. Бірақ Olimpbet аналитиктері бұл жолы ұпайды қонақтар алатын болады деп болжайды.

«Торпедо» (Нижний Новгород) – «Динамо» (Минск)

Тұрақты чемпионат. 28 қараша, 21:30

Батыс конференциясының турнирлік кестесінің жоғарғы бөлігіне әсер ететін тағы бір маңызды матч. Olimpbet сарапшылары қонақтардың жеңіске жету мүмкіндігін жоғары бағалайды – олар алғашқы үштікке көтеріле алады.

«Торпедо» қиындықтарға тап болды

«Торпедо» мен минскілік «Динамо» бірдей деңгейде – екі командада да 41 ұпай. Бұл – көшбасшы «Локомотивтен» бар болғаны екі ұпай кем. Алайда ресейлік клуб екі матчты артық өткізіп қойған және соғылған мен жіберілген шайбалар айырмасы нашар, сондықтан 4-орында тұр. Нижегород клубы жеті матчтық керемет жеңісті сериядан кейін күтпеген жерден «Адмиралдан» өз алаңында 1:2 есебімен жеңілді. Бірақ келесі ойында «Спартакты» 4:3 есебімен жеңіп, қысқа мерзімді дағдарыс болуы мүмкін деген күдікті сейілтті.

Алексей Исаков командасы соңғы матчтарда көп шайба өткізіп жүр және қақпаға бағытталған лақтыруларды тым төмен пайызбен іске асырады.

«Динамо» қарсыластарды талқандап жүр

Минскінің «Динамосы» — Батыс конференциясының ең көп шайба соғатын командасы, ал бүкіл Лигада осы көрсеткіш бойынша екінші орында. 29 матчта «зубрлар» 106 шайба соғып, бар болғаны 60 шайба жіберген.

Соңғы екі кездесуде Дмитрий Квартальновтың шәкірттері кестедегі басты қарсыластарын ойсырата жеңді – ЦСКА (5:2) және «Спартак» (6:0). Команда шабуылда да, қорғаныста да өте теңгерімді хоккей көрсетіп жүр, сондықтан үшінші орынды артқа тастап, жоғары көтерілуі әбден мүмкін.

Матчтан yне күтеміз?

Olimpbet аналитиктерінің болжамы бойынша, «Динамо» тағы да жеңіске жетеді. Қуатты минскілік шабуылға қарсы «Торпедо» қорғанысы өз айдынында да қиналуы мүмкін. Ал нәтижелі ойындар көбіне қонақтар тарапынан күтілетіндіктен, матчта алты шайбадан артық соғылмауы ықтимал.