"Реалдың" көшбасшылық үшін күресі

Испания. Ла Лига. 21-тур. "Вильярреал" – "Реал Мадрид" 25 қаңтар, 01:00 (Астана уақыты)

Примераның 21-туры аясындағы орталық матч Вильярреалда өтеді. Жергілікті клуб мадридтік "Реалды қабылдайды. 

Бұл кездесуде Olimpbet сарапшылары сырт алаңда ойнауына қарамастан, “галактикостарды” айқын фаворит деп санайды.

Турнирлік жағдай

Испания чемпионатының көш басындағы “Барселонаның” Сан-Себастьяндағы соңғы жеңілісі турнир кестесінің жоғарғы бөлігіндегі жағдайды айтарлықтай шиеленістірді.

Қазір екінші орында тұрған “Реал” “блаугранадан” небәрі бір ұпайға қалып отыр. “Вильярреалды” жеңген жағдайда корольдік клуб каталондықтарды басып озып, кем дегенде бір тәулікке турнир көшбасшысы атанады.

Алайда “сары сүңгуір қайық” та алыс емес. Марселино Гарсия Тораль баптайтын команда қазір “Атлетикомен” бірге үшінші орынды бөлісіп отыр және “корольдік клубтан” жеті ұпайға артта.

Сонымен қатар, “Вильярреалдың” төменгі лигада тұрған “Левантемен” кейінге қалдырылған ойыны бар. Демек, олардың “Реалдан” ықтимал айырмасы одан да аз болуы мүмкін. Ал егер Альваро Арбелоа командасын жеңсе, бұл айырма мүлде мардымсыз болады.

Статистика

“Реал” 20 турда 43 гол соқты — бұл Ла Лигадағы екінші көрсеткіш (“Барселонадан” кейін). “Вильярреалдың” еншісінде 19 матчта 37 гол бар.

Қорғаныста мадридтіктер сенімдірек — 17 жіберілген гол, ал қарсыластарында — 19.

Басқа негізгі көрсеткіштер бойынша да «корольдік клуб» алда. “Галактикостар” қақпаға жиі соққы жасайды (ойынға орта есеппен 19,4 — 12,42), нысанаға дәл тигізеді (7,25 — 4,95), бұрыштама добын көбірек орындайды (6,3 — 4,11) және допқа иелік ету көрсеткіші де жоғары (59,4% — 43,79%).

Өзара кездесулер тарихы

Жеке кездесулер статистикасында астаналық команданың басымдығы айқын. Бұл қарсыластар арасындағы 54 матчтың небәрі алтауы ғана “сары сүңгуір қайықтың” жеңісімен аяқталған.

Дегенмен, соңғы он ойында “Вильярреал” екі рет жеңіске жетіп, үш мәрте тең ойнаған. Бірақ соңғы үш кездесу толықтай «кілегейлілердің» пайдасына шешіліп, жалпы есеп 7:2 болды.

Құрам

Екі командада да кадрлық шығындар аз емес. Жарақат алғандардан бөлек, дисквалификацияланған ойыншылар да бар. Қожайындар сапында сары қағаздарды көбейтіп алған қорғаушы Сантьяго Моуриньо мен өткен турда алаңнан қуылған жартылай қорғаушы Сантьяго Комесанья ойынды өткізіп алады.

Қонақтар командасының бапкерлер штабы Франция құрамасының қорғаушысы Орельен Тчуамениге сенім арта алмайды. Ол “Левантемен” матчта маусымдағы бесінші сары қағазын алған.

Соңғы матчтар

Бұл тұрғыда психологиялық басымдық “Реалдың” жағында. Мадридтіктер алдағы ойынға екі сенімді жеңістен кейін келіп отыр: Примерада “Левантені” (2:0) және Чемпиондар лигасында “Монаконы” (6:1) жеңді.

Ал “Вильярреал” осы турнирлерде керісінше, екі матчта да жеңіліс тапты — “Бетистен” (0:2) және “Аякстан” (1:2).

Қорытынды

Жалпы алғанда, Olimpbet сарапшыларының «Керамика» аренасындағы матчта “Реал” айқын басым болуы таңғаларлық емес. Олардың пікірінше, “Реал” кемінде екі гол соғады.

Ал ең ықтимал гол авторы ретінде мадридтіктердің француз шабуылшысы Килиан Мбаппе аталады.

“Севилья” – “Атлетик”. 24 қаңтар, 22:30

Сенбінің кешінде Испания чемпионатының 21-туры аясында тағы бір тартысты кездесу өтеді. Онда “Севилья” мен Бильбаоның “Атлетигі” кездеседі.

Атақты клубтар тарихындағы ең жақсы кезеңді бастан өткеріп жатқан жоқ, дегенмен бұл жағдай олардың бетпе-бет ойынына деген қызығушылықты төмендетпейді.

Olimpbet сарапшылары “Рамон Санчес Писхуан” стадионындағы матчта айқын фаворитті көрмейді, дегенмен қонақтарға сәл басымдық береді.

Турнирлік жағдай

Екі команда да маусым барысына көңілі толмайды. Өткен маусымда Ла Лигада төртінші орын алған баскілер қазір турнир кестесінде 11-орында тұр.

Андалусиялықтардың жағдайы одан да қиын. «Севилья» 16-орында, яғни құлдырау аймағынан небәрі екі ұпай ғана алда. Ал жеңіліс тапса, төменгі аймаққа түсіп кетуі әбден мүмкін.

Соған қарамастан, “қызыл-ақта” “Атлетиктен” бар болғаны үш ұпайға ғана қалып отыр. Демек, жеңіске жетсе, баскілерді қуып жетеді.

Айта кетейік, екі команда да Примераның соңғы төрт турында жеңіске жете алмай, бар болғаны бір ұпайдан жинаған.

Статистика

“Арыстандарға” гол соғу қиынға соғуда. Эрнесто Вальверде шәкірттері бар-жоғы 19 гол соққан, бұл тіпті турнир кестесінің соңына жақын тұрған “Левантеден” де аз.

Ал «Севилья» қарсыластар қақпасын 26 рет дәл көздеген.

Қорғаныс жағынан “Атлетик” сенімдірек — 28 жіберілген гол, ал севильялықтарда — 32. Дегенмен, доп айырмасы бойынша Маттиас Альмейда баптайтын команда алда: минус 6 және минус 9 — андалусиялықтардың пайдасына.

Сонымен қатар, баскілер қақпаға жиі соққы жасайды (12,65 — 11,45), нысанаға дәл тигізеді (4,55 — 3,8) және бұрыштама добын көбірек орындайды (5,7 — 5,25). Ал допқа иелік ету көрсеткіші “Севильяның” пайдасында (54,55% — 49,3%).

Өзара кездесулер тарихы

Жеке кездесулердегі теңгерім дерлік тең. Өткізілген 183 матчтың 74-і “Севильяның”, 75-і “Атлетиктің” пайдасына шешілген, ал 34 ойында жеңімпаз анықталмаған.

Дегенмен, андалусиялықтар Бильбао клубын соңғы бес матчта жеңе алмай келеді — төрт жеңіліс және бір тең ойын.

Примера-2025/26 маусымының алғашқы айналымындағы матч та баскілердің жеңісімен аяқталған — “Атлетик” өз алаңында 3:2 есебімен ұтты.

Қорытынды

Olimpbet аналитиктері командалар өз қақпасын қорғауға басымдық беріп, көрермендерді көп голмен қуанта қоймайды деп есептейді. Олардың пікірінше, “Рамон Санчес Писхуан” стадионындағы матч нәтижелілігі төмен болады.

Бұрыштама доп саны кемінде тоғыз болады деп күтілуде, бұл компонентте қарсыластардың мүмкіндігі шамалас, қонақтардың аздаған басымдығы бар.