Милич Чурчич — ҚПЛ клубының бас бапкері атанды
12.04.2025, 13:42
Сербиялық маман Милич Чурчич ресми түрде Петропавлдың "Қызылжар" клубының тізгінін ұстады.
Meta-raitings.kz
Спорттық ақпарат көздері, яғни "Серый CARDINAL" телеграм-арнасы таратқан дерекке сүйенсек, Чурчич кубоктық матчта командаға жетекшілік етпейді. Алайда келесі аптада ресми түрде таныстырылып, жаттығу жұмыстарына кіріседі.
Бұл өзгеріс — маусымды сәтсіз бастаған команда үшін маңызды қадам. Қазір "Қызылжар" төрт турдан кейін небәрі екі ұпай жинап, турнирлік кестеде 11-орында тұр.
Милич Чурчич — Қазақстан футбол жанкүйерлеріне "Атырау" мен "Тобылдағы" жұмысы арқылы жақсы таныс. Ол Қостанай клубымен бірге ел кубогын және Суперкубокты жеңіп алған тәжірибелі маман.