Суперкомпьютер Чемпиондар лигасының жеңімпазын анықтады
УЕФА Чемпиондар Лигасының 1/4 финалындағы қарымта кездесулер аяқталған соң, Opta суперкомпьютері турнирдің жаңа фаворитін жариялады.
Мадридтік "Реалдың" жарыстан шығуы турнир интригасын арттыра түсті. Енді басты үміткер — Лондонның "Арсеналы", оның чемпион атану ықтималдығы — 28,7%.
Opta деректеріне сүйенсек, қалған командалардың жеңіске жету мүмкіндігі мынадай:
- "Интер" (Италия) — 25,5%
- ПСЖ (Франция) — 24%
- "Барселона" (Испания) — 21,8%
"Барселона" тізімнің соңында болса да, бұл клубтың Еуропадағы беделі жоғары екенін ескерсек, кез келген сәтте сенсация жасауға қауқарлы.
Мадридтік "Реал" — қазіргі Чемпиондар Лигасының иегері. Өткен маусымда олар финалда Дортмундтың "Боруссиясын" 2:0 есебімен жеңген еді. Сонымен қатар "Реал" Чемпиондар Лигасының тарихында ең көп жеңіске жеткен клуб — 15 мәрте жеңімпаз атанған.
Алайда биылғы маусымда олардың жолы ширек финалда тоқтады. Бұл өзгелерге есік ашып, жаңа чемпионның шығуына мүмкіндік бермек.