Максим Самородовтың голы "Ахматқа" тең нәтиже әкелді (ВИДЕО)
Қазақстан құрамасының шабуылшысы Максим Самородов өнер көрсететін "Ахмат" Ресей Премьер-Лигасының 27-турында ЦСКА-ға қарсы ойында 1:1 есебімен тең түсті.
Грозныйдағы матчтың алғашқы минуттары қарқынды басталды. 9-минутта ЦСКА ойыншысы Секу Койта қонақтарды алға шығарды. Алайда 33-минутта Максим Самородов қарсыластың қақпаның саңылауын тауып, "Ахмат" таразы басын теңестіріп кетті.
Үзілістен кейін есеп өзгермеді. 84-минутта Самородов алаңнан ауыстырылды. Қалған уақытта қос команда бірнеше қауіпті шабуыл ұйымдастырғанымен нәтиже өзгеріссіз қалды.
Бұл тең нәтижеден кейін ЦСКА 52 ұпаймен РПЛ кестесінде үшінші орынға көтерілді. Ал "Ахмат" өз көрсеткішін жақсартып, 13-орынға жайғасты. Қазір грозныйлық клубтың еншісінде 24 ұпай бар.
Максим Самородов осы маусымда барлығы 27 матчқа қатысып, 7 гол соқты және 3 нәтижелі пас берді.