Роналдоның мейрамханадан мас күйде шыққан сәті видеоға түсіп қалды (ВИДЕО)
Бразилиялық аңыз ойыншы жанкүйерлердің сынына ұшырады.
Әлеуметтік желіде екі дүркін әлем чемпионы Роналдоның Мадридтегі мейрамханадан мас күйде шыққан видеосы кең таралуда. Бұл оқиға испаниялық "Вальядолид" клубының күрделі жағдайымен тұспа-тұс келіп отыр. Клубтың иесі дәл осы Роналдо.
Роналдо иелік ететін "Вальядолид" биылғы маусымда ауыр кезеңді бастан кешіріп жатыр. 34 турдан кейін бар болғаны 16 ұпай жинаған команда, Испания чемпионатының соңғы сатысында тұр. Команда алғаш рет 100 жылдық тарихында қатарынан 8 матчта жеңіліске ұшырады. Бұл клуб үшін антирекорд.
Роналдо "Вальядолидті" 2018 жылдың қыркүйегінде сатып алған. Бірақ оның иелігінде клуб үшінші рет Примерадан кетпек. Енді жанкүйерлер бұл видеоға қатысты ашуын әлеуметтік желіде ашық білдіріп, Роналдоның клубтан кетуін талап етуде.
Роналдо кім?
- 2 дүркін әлем чемпионы (1994, 2002)
- Әлем чемпионатының вице-чемпионы (1998)
- Кубок Америка иегері (1997, 1999)
- Castrol Index деректеріне сай — ӘЧ тарихындағы үздік ойыншы
- 2002 жылғы ӘЧ — үздік сұрмерген (8 гол)
- 1998 және 2002 жылғы ӘЧ — үздік шабуылшы