"Наполи" — Италияның төрт дүркін чемпионы (ВИДЕО)
Италияның футбол аренасында жаңа чемпион анықталды. "Наполи" өз алаңында "Кальяриді" 2:0 есебімен жеңіп, А сериясының чемпионы атанды.
"Интермен" болған титулдық жарыс шешуші турға дейін созылды
Маусымның соңғы турында чемпиондық тағдырын "Наполи" мен "Интер" шешті. Қос команда өз матчтарын жұма күні бір уақытта өткізді. Неаполитандықтар жанкүйерлері алдында алаңға шығып, голдарды Скотт Мактоминей (42-минут) мен Ромелу Лукаку (51-минут) соғып, маңызды жеңіске жетті.
"Интер" сырт алаңда "Комо" командасын дәл сондай есеппен жеңді. Гол авторлары: Стефан де Врей (20) және Хоакин Корреа (51). Бірақ матчтың 45-минутында қақпашы Пепе Рейна қызыл қағаз алып, миландықтар бір ойыншымен басым болды. Бұл Рейнаның мансабында соңғы кездесу болды.
Турнир кестесіндегі шешуші ұпай артықшылығы
Аталған нәтижелер бойынша, "Интер" маусымды 81 ұпаймен екінші орында аяқтады және өз титулын сақтап қала алмады. Ал "Наполи" 82 ұпаймен чемпиондық тәжді төртінші рет жеңіп алды. Олар соңғы рет 2022/23 маусымында топ жарған. Айта кетейік, бұл жолғы жетістік – Антонио Конте баптаған команданың үлкен еңбегі.
Үздік төрттік пен Еурокубок жолдамалары
Үшінші орынды "Аталанта" иеленді. Ал Чемпиондар лигасына берілетін соңғы жолдама үшін күреске "Ювентус", "Рома" және "Лацио" кірісіп отыр. Соңғы турлардың нәтижесі осы тартыстың шешімін береді.